Me nderimet me të larta, në varrezat e Dëshmorëve në Prishtinë, janë varrosur sot 8 kosovarët qe humbën jetën në konfliktin e Kumanovës.

Familjarë, bashkëluftëtare dhe shumë qytetarë nga i gjithë vendi ishin mbledhur për t’iu dhënë lamtumirën e fundit.

Kufomat e të vrarëve janë përcjellë me nderime ushtarake nga bashkëluftëtarët e tyre të veshur me uniformë të UÇK-së.

Në ceremoninë e varrimit kanë marrë pjesë edhe krerët e institucioneve qendrore dhe partive politike.

Të rënët Xhafer Zymberi, Mirsad Ndrecaj, Valon Kabashi, Turgaj Gashi, Samid Kastrioti, Hysen Rushiti, Fatlum Vishesella, dhe Arben Rexhaj, janë 8 nga 9 dëshmorët që u varrosen sot në varrezat e Dëshmorëve në Prishtinë.

Ndërsa, Beg Rizaj, u varros të dielën në varrezat e dëshmorëve në Gllogjan të Deçanit./M.Avdimetaj/arbresh.info/