Avionët luftarakë rusë besohet se kanë fluturuar në mes të ishujve Faroe dhe ishujve Shetland, jashtë hapsirës ajrore të Britanisë, por brenda ‘zonës së interest RAF’.

Më pas avionët kanë fluturuar drejt bregut perëndimor të Irlandës para se të niseshin drejt gjirit Biscay, që gjendet në mes të Spanjës dhe Francës, transmeton portali arbresh.info.

Në këtë fazë forcat ushtarake të Spanjes dhe të Francës kanë marrë nën kontroll përgjimin, para se avionët luftarakë rusë të ktheheshin dhe të udhëtonin sërish në hapsirën ajrore të Britanisë së Madhe.

“Ne mund të konfirmojmë se kemi reaguar shpejtë me avionin Typhoon nga RAF Lossiemouth dhe RAF Coningsby për të parandaluar dy bombarduesit Blackjack, përderisa ata ishin në zonën e interesit të Britanisë së Madhe”, ka thënë një zëdhënës i RAF.

“Në asnjë moment avionët rusë nuk kanë tentuar të hyjnë në hapsirën territorial të Britanisë së Madhe”, ka shtuar ai.

Ky është incidenti i fundit me avionët luftarakë rusë, pasi avionët britanikë ishin përballur me situatë të njejtë edhe dy herë gjatë tetorit të kaluar./Arbresh.info