Presidenti i SHBA-ve, Donald Trump, ka rënë dakord që të takohet me udhëheqësit e aleancës në Evropë. Vizita zyrtare e Trump në Evropë pritet të zhvillohet gjatë muajit maj.

Donald Trump gjatë fushatës parazgjedhore ka kërkuar nga aleatët e NATO-s që të rrisin financimin e tyre, në mënyrë që të lehtësojnë barrën financiare nga Shtetet e Bashkuara, transmeton portali arbresh.info.

Ky propozim ka nxitur kundërshtime të mëdha në mes të republikanëve dhe demokratëve, pasi sipas diplomatëve botërore nga një gjë e tillë mund të përfitojë vetëm Presidenti rus, Vladimir Putin.

Gjatë një bisede telefonike mes Presidentit Trump dhe e sekretarin e Përgjithshëm të NATO-s, Jens Stoltenberg, është diksutuar për inkurajimin e të gjithë aleatëve  të NATO-s për të përmbushur angazhimet rreth shpenzimeve të mbrojtjes.

“Presidenti Trump ka rënë dakord që të kryejë një takim të liderëve të NATO-s në Evropë. Takimi pritet të mbahet gjatë muajit maj”, thuhet në deklaratën e Shtëpisë së Bardhë./Arbresh.info