Një 44-vjeçar shqiptar nga vdekur në aeroportin e Malpensës në Milano pasi u ndalua nga policia.

Shqiptari tërbua menjëherë pasi u kap nga policia duke nisur të bërtasë dhe terrorizojë njerëzit për rreth.

Ngjarja ka ndodhur mbrëmjen e së martës, por mbetet ende mister.

Mediat italiane raportojnë se, pasi shqiptari mbërriti në terminalin 1, agjentët e policisë ndërhynë.

Në fillim sjellja e tij ishte e qetë, por në pak minuta doli jashtë kontrollit pasi nisi të godasë një kosh mbeturinash.

Forcat e polcisë ndërhynë fizikisht për ta ndaluar, duke parë gjendjen e tij psikike.

Ndërkohë pas përkeqësimit të gjendjes së tij shëndetësore, ndërhynë mjekët e urgjencës në aeroport por pa mundur ta shpëtojnë.

Shqiptari kishte udhëtuar nga Tirana për në Romë dhe po priste bashkëshorten e tij në aeroport.

Bashkëshortja e tij ka pasur tronditje nga ajo që ndodhi.

Prokuroria ka nisur hetime për ngjarjen, pasi dinamika e ngjarjes është ende e paqartë.

Autoritetet italiane nuk kanë bërë të ditur identitetin e tij, por kanë zbuluar se ka lindur në vitin 1973 dhe se kishte shkuar në Itali vetëm tre ditë më parë për arsye personale.