Presidenti i Izraelit i ka kërkuar falje Meksikës për gjestin e bërë nga kryeministri Benjamin Netanyahu, i cili përmes një postimi në rrjetin social Twitter e kishte mbështetur vendimin e Donald Trump për ndërtimin e murit.

Në një deklaratë të lëshuar nga zyra e Presidentit, Reuven Rivlin, thuhet se ai ka zhvilluar një bisedë telefonike me Presidentin meksikan, Enrique Pena Nieto, transmeton arbresh.info.

Rivlin i ka kërkuar Pena Nietos që të ketë mirëkuptim për keqkuptimin e krijuar, ndërsa Presidenti meksikan ka theksuar se postimi i kryeministrit izraelit mund të dëmtojë marrëdhëniet mes dy vendeve.

Përmes rrjetit social Twitter, Netanyahu shkroi se ‘Presidenti Trump për ndërtimin e murit’.

Netanyahu ka theksuar se përmes postimit ka dashur të tërheqë vëmendjen për suksesin e murit kufitar të krijuar në Izrael.

Meksika ka kërkuar që Izraeli t’i kërkojë falje për gjestin e bërë./Arbresh.info