Një emigrantë është gjetur i vdekur në tendën e tij të hënën në ishullin grek Lesbos. Vdekja e tij ngrit në tre numrin e emigrantëve të vdekur brenda një jave, duke rritur kështu shqetësim të madh për kushtet e jetesës në kampet e refugjatëve.

I vdekuri i fundit është nga Pakistani, ndërsa mjekët në Lebos kanë theksuar se vdekja e tij është shkaktuar nga helmimi me monoksid karboni, transeton arbresh.info.

Një burrë 30-vjeçar nga Afganistani me të cilin e ndante tendën viktima është shtruar në spital, por autoritetet kanë theksuar se jeta e tij është jashtë rrezikut.

Vdekja e emigrantit nga Pakistanezi, vjen pas vdekjes së dy emigrantëve tjerë, nga Egjipti dhe Siria, në të cilët ndanin tendën në kampin e ishullit Moria, një ish-bazë ushtarake e vendosur në majë të kodrës.

Emigrantët në tenda përdorin ngrohje që mund të prodhojë tym helmues.

Të paktën 3.000 refugjatët dhe emigrantët janë bllokuar në Moria, në pritje të vendimeve për të ardhmen e tyre, ndërsa Agjensia e Refugjatëve në OKB u ka bërë thirrje autoriteteve greke që të bëjnë më shumë për refugjatët dhe emigrantët.

BE-ja ka zbatuar një marrëveshje me Turqinë në vitin 2016, i cili përcakton se emigrantët dhe refugjatët që vijnë në Greqi duhet të kthehet në Turqi. Vendet përgjatë rrugës së Ballkanit Perëndimor, si Hungaria dhe Maqedonia, kanë mbyllur kufijtë për emigrantët që përpiqen të kalojnë në Greqi./Arbresh.info