Presidenti Donald Trump ka zgjedhur të shikojë filmin ‘Finding Dory’ në Shtëpinë e Bardhë, përderisa mijëra qytetarë protestuan kundër vendimit të tij për ndalimin e emigrantëve nga vendet me shumicë myslimane.

Filmi i animuar flet për një peshk që humb familjen e saj dhe me ndihmën e miqve i’a del që të ribashkohet me ta, transmeton arbresh.info.

Para shikimit të filmit, Trump bëri një bisedë telefonike zyrtare me Salman bin Abd-Aziz, mbretit të Arabisë Saudite, dhe me princin e kurorës së Emirateve të Bashkuara Arabe, Mohammed bin Zayed.

Zëvendës Sekretari i Punës, Chris Lu, në rrjetin social Tëitter kishte shkruar se ‘është ironike që Trump zgjedh të shikojë filmin Finding Dory, duke pasur parasysh që ‘historia e filmit është ribashkimi me familje’”.

Megjithatë, ky lajm është mohuar nga Shtëpia e Bardhë, pasi zëdhënsi i Shtëpisë së Bardhë, Sean Spicer, ka theksuar se Trump nuk ka shikuar asnjë film ditën e diele.

“Ai ka kaluar vetëm 60 sekonda gjatë shfaqjes së filmit duke falenderuar gratë dhe fëmijët e stafit të Shtëpisë së Bardhë dhe menjëherë i është kthyer punës”, ka thënë ai./Arbresh.info