Një radio në Teksas ndalon këngët e Madonnës për ‘çështje patriotike’

18:09 | 25 Janar 2017
Trina Galanxhi

Një radio në Teksas ka ndaluar këngët e Madonnës, duke e cilësuar atë si ‘jo-amerikane’.

Ylli i pop muzikës, ka ngjallur reagime të mëdha pas fjalimit të saj në marshin e grave në Uashington, transmeton arbresh.info.

Këngëtarja ka reaguar në lidhje me deklaratën duke thënë se ‘njerëzit e nuk e kanë kuptuar drejt mesazhin e saj’. Madonna ka qenë një kundërshtare e hapur e Presidentit të SHBA-ve, Donald Trump.

Menaxheri i radios HITS 105, Terry Thomas, përmes rrjetit social Facebook, ka thënë se ‘ndjehet keq që kanë lëshuar këngët e Madonnës dhe që kanë paguar honorarët e saj, përderisa artistja ka ndjenja anti-amerikane’.

Megjithatë, këngëtarja përmes rrjetit social Instagram, ka sqaruar deklaratën e saj, duke thënë se nuk është person i dhunshëm dhe se mbi të gjitha ajo ‘zgjedh dashurinë’./Arbresh.info