Prokurori Abdurrahim Ismajli pas kërkesës së avokatëve mbrojtës Ramiz Krasniqi, Emrush Kastrati dhe Florie Dervinja për përjashtimin e tij, ka thënë se kërkesat e avokateve janë të pabazuara dhe të pa mbështetura nga Këshilli Prokurorial i Kosovës.

Ai tha se aktakuza e ngritur për sulmin ndaj Kuvendit të Kosovës nuk është politike.

“Po çuditem nga ana e tyre se kjo aktakuzë është politike apo prokurori është politik. Unë  në asnjë rast në aktakuzën time nuk e kam përmend fjalën VV”, tha ai.

Ismajli, tha se në asnjë moment të akuzuarit nuk i kanë mohuar provat. Sipas tij, I akuzuari Atdhe Arifi e ka pranuar fajësinë  në seancën dëgjimore.

Me këtë rast kanë reaguar avokatët mbrojtës, gjë që ka nxitur kryetarin e Trupit Gjykues Beqir Kalludra që të ndërpresë seancën.