Policia e Gjirokastrës ka ndaluar sot një shofer taksie nga Durresi pasi ka rezultuar se punonte pa liçensë, dhe për t’i shpëtuar masës administrative, 50-vjeçari Ferdinant Hoxha, i ka ofruar ryshfet punonjësit të Policisë Rrugore.

Sot rreth orës 10:45 në Rrugën nacionale Gjirokastër-Tepelenë, në vendin e quajtur “Kryqëzimi Mashkullorë” është ndaluar nga Patrulla e Policisë RrugoreGjirokastër për kontrollin e dokumentacionit të mjetit, shtetasi Ferdinant Hoxha, 50 vjeç, banues në Durrës.

Gjatë kontrollit është parë që shoferi nuk posedonte liçensë për taksi dhe për t’I shpëtuar përgjegjësisë ai i ka dhënë një prerje 500 lekë punonjësit të policisë rrugore për të mos vazhduar procedurat administrative ndaj tij.

Materialet i kaluan Prokurorisë së Rrethit Gjyqësor Gjirokastër për veprime të mëtejshme./albeu/Arbresh.info