Administrata e Donald Trump do të bëjë të mundur që ‘grupet radikale islamike terroriste’ të jenë prioritet, thuhet në deklaratën e postuar në momentet e inaugurimit të Donald Trump si president i SHBA-ve në Shtëpinë e Bardhë.

Republikani Trump, e ka shfrytëzuar fjalimin të parë si president, për të ‘bashkuar botën e civilizuar kundër terrorizmit islamik’, ndërsa shtoi se ‘ne do të punojmë që të çrrënjosim plotësisht nga faqja e dheut’, transmeton arbresh.info.

Në luftën e shpallur kundër terrorizmit, administrata Trump ka theksuar se do të ‘ndjekë veprimet agresive të koalicioneve të përbashkëta kurdo që është e nevojshme’.

Sipas tyre, terroristëve duhet ndaluar fondet, ndalimi i zgjerimit të inteligjencës dhe ndalimi i përpjekjeve për të zgjeruar rekrutimet.

Sipas kësaj deklaratë, nuk shfaqet asnjë pikë që administrata e Trump mund të ndryshojë nga ajo e paraardhësit të tij, Barack Obama./Arbresh.info