Shumica e komandantëve të Shtetit Islamik në Mosul janë vrarë gjatë betejave me forcat qeveritare irakiane që shpërthyen gjatë tre muajve të fundit, ka deklaruar një general irakian.

“Lufta për të marrë anën perëndimore të Mosulit, i cili mbetet nën kontrollin e xhihadistëve, nuk duhet të jetë më e vështirë se ajo në anën lindore”, ka thënë Gjeneral-Lejtnant Abdul Ghani al-Assadi  për Reuters, transmeton arbresh.info.

“Me vullnetin e Zotit, gjatë ditëve të ardhshme do të ketë një takim në të cilin do të japim detaje rreth operacioneve çlirimtare,” tha ai.

I pytur në lidhje me anën perëndimore të Mosulit, ai ka theksuar se nuk do të jetë e vështirë që të marrin nën kontroll atë pjesë, pasi shumica e komandantëve janë vrarë në zonën lindore.

Që nga viti 2015, forcat qeveritare të mbështetura nga koalicioni i udhëhequr nga SHBA-të, ka kryer një sëri sulmesh ajrore kundër Shtetit Islamik./Arbresh.info