“Rusia është një partnere dhe liderët ndërkombëtarë duhet të konsiderojnë të ftojnë atë në samitin vjetor të vendeve të industrializuara”, ka thënë Ministri i Jashtëm italian, Angelino Alfano.

Duke kërkuar për mundësi të mira të marrëdhënieve mes Italisë dhe presidentit të zgjedhur në SHBA, Donald Trumo, Alfano tha se ‘bota duhet të mirëpresë përmirësimin e marrëdhënieve mes SHBA-ve dhe Rusisë”, transmeton arbresh.info.

Ai gjithashtu theksoi se Roma është e hapur për të rishikimin e rolit global të NATO-s.

Rusia ka qenë pjesëmarrëse në G8, dërisa ajo u pezullua në vitin 2014, pasi aneksoi Krimenë.

“Me Rusinë ne i diskutojmë të gjitha krizat delikate ndërkombëtare. Kjo është e vërtetë, prandaj duhet të konsiderojmë të kthejmë atë në G8”, tha ai në parlamentin italian.

Në lidhje me deklaratën e Trump për shpërbërjen e NATO-s, Alfano tha se ‘dikush edhe mund të kritikojë Trumpin, por është e qartë se NATO është përqendruar në lindje, përderisa kërcënimet vijnë nga jugu.’/Arbresh.info