Edhe partia Demokratike e Kosovës, i është gëzuar lirimit nga burgu të kryetarit të AAK-së, Ramush Haradinaj. Në partinë më të madhe në vend thonë se ai duhej të lihej plotësisht i lirë e jo të lirohej me kusht. Megjithatë, ata thonë se kjo mënyre e lirimit është më afër lirimit të plotë të tij.

Sekretari i subjektit më të madh në vend, Basri Musmuarati thotë se ndalja e Haradinajt nuk duhej të ndodhte fare. Ai pret qe Gjykata në Colmar të Francës të hedhë poshtë kërkesën e palës serbe për ekstradim në Serbi.

“Deri tash këto kërkesa të ndryshme të Serbisë nuk kanë pirë ujë në Evropë. Por, kjo kërkesë e këtillë sikur i ka pështjelluar punët, por nuk mendoj se ata do të kenë një kërkesë serioze sepse për të gjitha ato pretendime qe i ka Serbia ndaj Ramushit kanë marrë fund”, ka thënë Musmurati për ‘Indeksonline’.

Haradinaj, sipas tij, e ka dëshmuar në procese gjyqësore se është i pafajshëm.

I pyetur nëse është bërë mjaftueshëm nga ana e institucioneve për lirimin e ish kryeministrit të Kosovës, ai thotë se do të duhej angazhim edhe më i madh për liderin e AAK-së

“Do të duhej të ishte edhe një aktivitet më i madh për Ramushin që është bërë dhe duhet përshëndetur gjithë ata qe e kanë mbështet këto dite dhe e kanë kërkuar lirimin e tij”, ka shtuar ai.

Sa i përket problemeve më të cilat po ballafaqohet vendi, sekretari i PDK-së thotë se disa do të zgjidhen e disa do të trajtohen në të ardhmen.