Anis Amri, 24-vjeçari që kreu sulmin terrorist në Berlin, duke lënë të vdekur 12 persona, ishte pjesë e rrjetit të Shtetit Islamik të organizuar nga predikuesi radikal, Abu Wala.

Wala, i njohur si ‘predikuesi pa fytyrë’ kishte ndërtuar atë që prokurorët gjermanë e quajnë ‘rrjet mbarëkombëtar i xhihadistëve Salafi’, të cilët janë të ndërlidhur ngushtë dhe veprojnë sipas detyrave që u ndahen, shkruan CNN, transmeton arbresh.info.

Ëala dhe katër persona të tjerë janë arrretuar në nëntor me akuzat për terrorizëm.

Sipas CNN, përpjekjet e rekrutimit janë bazuar në shtetet e North Rhine-Westphalia dhe Saksonisë së Ulët, duke ngritur fonde përmes grabitjeve dhe kredive mashtuese.

Sipas dosjeve hetimore, Amri morri pjesë në trajnimin fizik për t’u përgatitur për t’u bashkuar me militantët e ISIS-it në Lindjen e Mesme në fund të vitit 2015. Është e paqartë se pse ai nuk është larguar nga Gjermania.

Amri kishte filluar të diskutonte planet për të nisur sulm në Gjermani menjëherë pasi planet e udhëtimit të tij dështuan. Besohet se Amrit iu gjet një vend për t’u fshehur nga rrjeti i ISIS-it në Gjermani.

Në bazë të dosjeve, anëtarët e tjerë kishin diskutuar të ngisnin një kamion të mbushur me benzinë dhe bombë në një turmë.

Tunizian 24-vjeçar është vrarë nga policia italiane në Milano të premten herët në mëngjes.

Të premten, Shteti Islamik ka lëshuar një video ku thotë se Amri u zotua për besnikëri nga liderit të ISIS-it, Abu-Bakr al-Baghdadi./Arbresh.info