Deputetja e Kuvendit të Republikës së Kosovës, Blerta Deliu Kodra,  njëherit anëtare e Përhershme e delegacionit të Kuvendit të Kosovës në AP të SEECP-së, po merr pjesë në punimet e Asamblesë Parlamentare të Procesit të Bashkëpunimit për Evropën Juglindore, që po mbahen në Zagreb.

Në fokus të takimit ishte bashkëpunimi mes Asambleve parlamentare te Evropës Juglindore si dhe diskutimet mbi dy komisionet e përhershme të Asamblesë.

Me këtë rast u vendos që udhëheqja e Komisionit të përhershëm për Energjetikë, Infrastrukturë dhe Ekonomi, t’i takoj Kuvendit të Kosovës, kurse punimet të mbahen në Zagreb.

Deputetja Deliu Kodra vlerësoj vendimin që Kosova të marrë pjesë në gjitha organizatat rajonale, duke e cilësuar si një ndër vendimet më të rëndësishme për stabilitetin në rajon.

Blerta Deliu Kodra, theksojë fuqishëm se vendimi i palës serbe për të bllokuar Kosovën që të zhvillojë në Prishtinë mbledhjen e Komisionit për Ekonomi, Infrastrukturë dhe Energji është hap mbrapa nga ana e Serbisë, që bie ne kundershtim me bashkëpunimin rajonal dhe normalizimin e marrëdhënieve  në mes të Kosovës dhe Serbisë.

Ajo i bëri thirrje përfaqësuesit të delegacionit të Serbisë që të zbatojnë Deklaratën e Tiranës që është miratuar edhe nga pala serbe, jo vetëm  formalisht por edhe në praktikë.

Takimi  i radhës i Komisionit Drejtues të Asamblesë  Parlamentare  të SEECP-së
do të mbahet në Zagreb vitin e ardhshëm.