Përfaqësuesja e Kosovës është duke e zhvilluar ndeshjen e pestë kualifikuese për Eurobasket 2017, shkruan Zëri.

Dhe, skuadra e Arben Krasniqit është duke pësuar debakël, pasi e humbi periudhën e parë 30:11.

Ajo që bie në sy janë statistikat katastrofave të Kosovës. Tetë nga 11 pikët e kosovarëve në periudhën e parë i ka shënuar Justin Doellman, ndërsa Kosova e shënoi një rekord negativ botëror në një kategori statistikore.

Pas dhjetë minutash të parë, lojtarët e Kosovës nuk e kanë bërë asnjë kërcim të vetëm nën kosh, respektivisht nuk e kanë kapur asnjë top, raporton Zëri.

Ukrainasit kanë gjuajtur 16 herë, duke dështuar vetëm pesë herë, por lojtarët e Kosovës kanë dështuar që ta marrin topin në çdo përpjekje nën koshin e tyre.

Koniev i ka rrëmbyer dy kërcime në sulm, ndërsa nga një e kishin Lukašov, Lipovij e Kornijenko.

Kosova është shumë pranë ta pësojë humbjen e pestë radhazi në këto eliminatore, ku është duke debutuar.