Presidentja e Kosovës Atifete Jahjaga, u takua me ambasadoren e Kanadasë në Zagreb, jo rezidente për Kosovën,  Louise LaRocque.

Presidentja Jahjaga me ambasadoren LaRocque bisedoi për zhvillimet e përgjithshme në vendin tonë si dhe për mundësitë e thellimit të bashkëpunimit ndërshtetëror midis dy vendeve, në të gjitha fushat me interes të ndërsjellë.

Ajo e çmoi lart mbështetjen që Kanadaja i kanë dhënë institucioneve të  Kosovës në të gjitha proceset e shtetndërtimit.

Ambasadorja e Kanadasë Louise LaRocque shprehu përkushtimin e vendit të saj për të thelluar dhe fuqizuar bashkëpunimin me institucionet e Kosovës.

Presidentja Jahjaga, së bashku me ambasadoren LaRocque vizituan  projektin e “Girls Coding Kosova, Open Data”,  përmes së cilit bëhet trajnimi i vajzave në përdorimin e teknologjisë informative. Ky projekt që është mbështetur nga qeveria e Kanadasë dhe nga Rrjeti i Grupe të Grave të Kosovës, ka për synim rritjen e transparencës së punës së institucioneve./arbresh.info/