“Edhe nënpresidenti i SHBA-së Joe Biden, e kritikoi Ekzekutivin se nuk kishte arritur ta qartësonte demarkacionin e kufirit me Malin e Zi, duke nxitur kështu reagime të njëpasnjëshme sidomos nga qarqet shkencore, gjeografë, demografë, historianë, juristë.” shkruan Kadriu.

Kadriu për deklaratat nëse dështon demarkacioni, izolohet Kosova shprehet  “Më duhet të theksoj se është e pavërtetë që nëse dështon demarkacioni me Malin e Zi, do të izolohemi, siç kërcënon pushteti. Luftimi i krimit dhe korrupsionit është kriteri kryesor i paplotësuar që na mban larg rrugës evropiane. Duke qenë gjithmonë kundër jotransparencës, pushtetit korruptiv, pazareve me territor dhe politikës antikombëtare, natyrshëm votoj edhe kundër një marrëveshjeje, e cila na sjell telashe të mëdha, tensione të panevojshme dhe nuk e zgjidh problemin, përkundrazi. ”

Zgjidhja sipas Kadriut është rrugëdalja është krijimi i një komisioni të ri, më kompetent dhe gjithëpërfshirës, si dhe garantimi i transparencës së bisedimeve.

Në lidhje me votën për Demarkacionin deputetja Kadriu thekson qartë “Vota ime, sigurisht nuk është në favor të një marrëveshjeje të tillë. Se duhet bërë demarkacioni me Malin e Zi dhe të gjitha shtetet fqinje është e padiskutueshme. Unë jam për demarkacion me Malin e Zi si shtet fqinj , mirëpo i them jo kësaj marrëveshjeje të paqartë, të dëmshme dhe plotësisht jotransparente. ”