Përveç marrjes së sasisë së nevojshme të kalorive për rënien nga pesha, një rol të rëndësishëm luan edhe regjimi i vakteve të të ngrënit. Hani vakte të vogla dhe të shpeshta. Duhet të konsumojmë deri në pesë të tilla në ditë: tre vakte kryesore dhe dy vakte të ndërmjetme.
Gabimi më i shpeshtë që bëjmë është kapërcimi i vakteve dhe kryesisht, ai i mëngjesit. Duke kapërcyer vaktet rrezikojmë të konsumojmë sasi të mëdha ushqimi te vakti pasardhës dhe kështu marrim më shumë kalori se ç’kemi nevojë. Mëngjesi duhet të përbëjë rreth 25% të kalorive tona ditore. 35 % të kalorive ditore duhet t’i marrim në vaktin e drekës, rreth 30 % në vaktin e darkës dhe 5% në vaktet e ndërmjetme.

Modeli i një menuje ditore
(sasia, shpërndarja dhe përbërja e vakteve)

Mëngjesi: 1 filxhan qumësht ose kos me tre lugë gjelle drithëra (tërshërë, muesli etj)
Paradreka: 1 frut mesatar sipas dëshirës
Dreka: sallatë zarzavatesh të freskëta, me pak vaj ulliri. 1 racion fasule, thjerrëza ose bizele të gatuara me pak yndyrë. 1 fetë bukë të zezë.
Pasdreka: 1 frut mesatar ose 1 filxhan çaji kos me fruta të freskëta, të grira.
Darka: 1 racion supë me zarzavate të gatuara me pak yndyrë, 1 omëletë e pjekur me pak vaj, 1 fetë djathë të bardhë ose gjizë pa kripë, 1 fetë bukë të zezë./living.al