Menjëherë pas fitores së Kombëtares shqiptare ndaj Rumanisë në ndeshjen e fundit të Grupit A, Edi Rama u premtoi lojtarëve pasaporta diplomatike
Darka që kryeministri Edi Rama kishte përgatitur për futbollistët e kombëtares shqiptare pas kthimit nga Franca, aty ku përfunduan ëndrrën Evropiane, duket se është kthyer në një ‘arenë’ batutash.

Në media ka filluar të qarkullojë batuta me Ansi Agollin e Odise Roshin. Mbrojtësi Agolli ironizoi me kryeministrin kur i tha atij që të mos shkojë më në stadium për të ndjekur Kombëtaren pasi sjell ters.

Sipas citynews, batuta me Roshin ka qenë pak më e fortë, pasi Rama e ka quajtur mbështetës të Partisë Socialiste, gjë që nuk i ka pëlqyer futbollistit.

Rama i është drejtuar Roshit me fjalët: Le të vijë Odise Roshi, futbollisti i dalë nga akademia e Flamurtarit dhe një mbështetës i Partisë Socialiste.

“Faleminderit kryeministër, por unë nuk jam socialist. Unë jam me Partinë Demokratike”, iu është drejtuar Roshi kryeministrit.