Përshkallëzimi i TVSH-së varfëroi kosovarët

08:43 | 13 Qershor 2016
M. A.

Reforma fiskale që ka nisur zbatimin vitin e kaluar nga Qeveria e Kosovës i ka varfëruar qytetarët e saj. Kjo është dokumentuar edhe nga Agjencia e Statistikave e Kosovës.

Në raportin e publikuar për llogaritë qeveritare të vitit 2015, ASK-ja tregon për një rritje të theksuar të të hyrave nga Tatimi në Vlerën e Shtuar (TVSH).

Në vitin 2015 janë grumbulluar nga Tatimi në Vlerën e Shtuar 610.1 milionë euro, shkruan sot Koha Ditore.

Kjo është për 51.4 milionë më shumë se në vitin 2014, kur ishin grumbulluar 558.8 milionë euro.

Në vitin 2012 të hyrat nga TVSH-ja kanë qenë 547 milionë euro, kurse në vitin 2013 të hyrat kanë qenë 558 milionë euro.

Kjo rritje e të hyrave nga TVSH-ja, në vitin 2015, ishte më e madhja që është shënuar viteve të fundit, që dëshmon se rritja e të hyrave ka ardhur si rezultat i rritjes së TVSH-së nga 16 në 18 për qind.