Shkëlqim Hysenaj është zgjedhur kryetar i Asociacionit të Gazetarëve të Kosovës me 123 vota pro.

Kuvendi zgjedhor u mbajt pas përfundimit të mandatit dy vjeçar të kryetarit dhe bordit të kaluar, ku në krye të asociacionit ishte Zekirja Shabani.

Pas zgjedhjes së kryetarit janë shpallur edhe rezultatet e anëtarëve të bordit të Asociacionit të Gazetarëve të Kosovës. Gjithsej kanë votuar 279 anëtarë për të zgjedhur kryetarin dhe anëtarët e bordit.

Më poshtë është lista e anëtarëve të zgjedhur

Besjana Krasniqi, RTV21

Beadin Syla

Taulant Qena

Dardan Hoti

Valdrin Krasniqi, Tribuna Channel

Majlinda Aliu, RTK

Arsim Halili

Fidan Rama

Kuvend pa kushte

Kuvendi Zgjedhor i AKG-së u mbajt me shumë vështirësi ku munguan kushtet elementare për mbajtjen e një kuvendi normal.

Gjatë mbajtës së kuvendit u panë shumë parregullsi duke filluar nga mënyra e votimit për ndryshim të statusit të AGK-së, me ç‘rast të pranishmit shprehen pakënaqësitë duke thënë se në sallë kishte persona që kanë ngritur dorën dy herë për të votuar.

Kandidati i zgjedhur nga gazetarët, Shkëlqim Hysenaj, premtoi që do të përkushtohet për të ngritur më shumë AKG-në në të ardhmen dhe të evidentoj këto probleme që po e përcjellin tash e sa vite./Arbresh.info