Lideri i AKR-së, z.Behgjet Pacolli kërkon nga Presidenti i Kosovës Hashim Thaçi që të bëjë jetësimin ligjor të dy pikave që kosovarët e Diasporës vazhdimisht ia kërkojnë z. Pacolli.

Pacolli përmes një postimi në llogarinë e tij në Facebook tha thënë se ato pika janë: Që Diaspora të ketë 5 vende të rezervuara në Kuvendin e Kosovës dhe  që në zgjedhjet e ardhshme të jetë e mundur që Diaspora të votojë, me plot kuptimin e fjalës, në shtetet ku ata jetojnë, në mënyrë të ngjashme si serbët e Kosovës që votuan për Parlamentin e Serbisë.

Tutje Pacolli ka thënë që shpreson kësaj radhe që lidershqipi kosovar të kuptoj rëndësinë vitale të Diasporës.

Postimi i plotë

Të dashur miq, tërë kohën sa jam në kontakt me Diasporën, në mënyrë të vazhdueshme, ata kërkojnë dy gjëra për zgjedhjet e ardhshme:

1) Që Diaspora të ketë 5 vende të rezervuara në Kuvendin e Kosovës.

2) Që në zgjedhjet e ardhshme të jetë e mundur që Diaspora të votojë, me plot kuptimin e fjalës, në shtetet ku ata jetojnë, në mënyrë të ngjashme si serbët e Kosovës që votuan për Parlamentin e Serbisë.

Unë kërkoj nga Presidenti i Republikës së Kosovës që të fillojë procedurat për jetësimin ligjor të këtyre dy pikave.

Shpresoj që kësaj radhe lidershipi i Kosovës e kupton rëndësinë vitale të Diasporës në përditëshmërinë e Kosovës.