Policia e Prizrenit njofton se më datën 13 prill, Rahmi Ymeri nga Prizreni ka informuar Policinë  se djali i tij Fluriani i lindur më 1986 është larguar nga shtëpia dhe deri më sot nuk është kthyer.

Ankuesi e ka informuar policinë se Fluriani ka shkuar në drejtim të bjeshkës mbi Kalanë e Prizrenit.  Pas raportimit të rastit njësite të policisë së Prizrenit kanë qenë të angazhuara në kontrollimin e terrenit në disa pika strategjike dhe fshatra.

Sipas policisë janë ftuar në ndihmë edhe  KFOR-i dhe FSK-ja , të cilët i janë paraqitur kërkimit. Vlen të theksohet se KFOR-i ka angazhuar edhe mjete fluturuese për vëzhgimin e terrenit nga ajri ndërsa FSK ka angazhuar forca për kërkim shpëtim.

Policia fton qytetarët të cilët mund të kenë njohuri për vendndodhjen e Flurianit apo nëse rastësisht e takojnë të njëjtin ta informojnë Policinë e Kosovës.

Bashkë me komunikatën policia ka dërguar edhe një fotografi të personit që është humbur tash e katër ditë./Arbesh.info/