Ai gjatë vizitës së tij ka thënë se Qeveria është e intersuar për rritjen e investimeve dhe që Telekomi të jetë lider në  vend.

Mustafa ka theksuar se nuk ka asnjë vërejtje ndaj drejtorit të Valës Agron Mustafa.

“Po të kisha vërejtje do ta shfaqja. Do të punojmë me bankën evropiane, pasi kanë shfaqur interesa të marrin pjesë në investime. Do të punojmë bashkërisht që objektivat të jenë të përbashkëta”, ka thënë Mustafa.

Nërsa drejtori i Valës së Kosovës Agron Mustafa tha se është kënaqësi që ka kryeministrin në vizitë, pasi e ka pasur profesor dhe mentor.

“E njoftuam kryeministrin mbi zhvillimet dhe trendet që kanë ndodhur në sektorin e telekomit. Kryeministri ka ardhur me dy ministra, që tregon se ka peshë”, tha drejtori Mustafa.

Në vizitë me kryeministrin ishte edhe ministri i financave Abdullah Hoti dhe ministri i Zhvillimit Ekonomik, Blerand Stavileci.