Sipas Labit e fejuara e tij Qëndresa, nuk ishte në  dijeni rreth planit që po i ‘kurdisej’ asaj.

“Në një farë mënyre Qëndresa nuk ishte e përgatitur për asgjë hiç, ka qenë gjithçka surprizë”, tregon Labi.

E kurthi që i kishte para përgatitur Labi në marrëveshje me familjet e tyre, sipas tij ishte një udhëtim dy ditor në Ulqin, por kthesa e së vërtetës ndodhi pikërisht atë ditë kur iu tha e vërteta se ata do të fejoheshin.

“Ishim në shtëpi, Qëndresa në anën tjetër ka menduar që po shkojmë në Ulqin, i thashë bëje gati valixhen se po shkojmë për dy ditë në Ulqin që mos t’i bie në mend hiç. E ka bo gati valixhen për t’u nis drejt Ulqinit por ajo s’ndodhi, i thashë që udhëtimi bie nga lista se do të fejohemi”, tregoi tutje Labi.

Por çfarë e ka shtyrë Labin që të zgjedh pikërisht Qëndresën për partnere të jetës?

“Qëndresa nuk është pjesë e medieve është një natyrë e përshtatshme por esenca kryesore është sinqeriteti  dhe dashuria e saj që ka ndaj meje, sjelljet janë mbi të gjitha edhe kur kam qenë nervoz edhe kur kam qenë mirë ka ditur qysh të sillet e si të më bëj për vete”, tha ai.

Eh takimi i tyre i parë sipas të sapofejuarit Labit ishte qyteti i bukur i Ulqin-it.

“Gjithçka është nëpërmjet Ulqin-it ,muajve të verës shkojë e rrijë me muaj, atje jemi takuar  e  jemi njoftuar por saktësisht nuk e mbaj mend momentin”.

Edhe sa i përket spekulimit të shtatzanisë  ai tha se nuk është e vërtet.

“Sa i përket shtatëzanisë s’ka asgjë, me qenë ashtu isha martuar menjëherë e s’isha feju”.

Se a do t’i bëj Labi sërish surpriza të tjera Qëndresës kjo mbetet të zbulohet në vazhdimësi, nëse do ketë.