(II) Shefi i Operativës së Policisë për veriun e Mitrovicës Zhelko Bojiq e ka konfirmuar se një trup i pajetë është gjetur në ujërat e lumit Ibër.

Por Bojiq nuk ka dhënë detaje për identitetin e trupit të gjetur.

Arbresh.info ka raportuar se në orët e mbrëmjes njësia e zjarrfikësve në Zvecan ka gjetur një trup të pajetë në lumin Ibër në vendin e quajtur “Simonida”./Arbresh.info/

(I) Në orët e mbrëmjes është gjetur një trup I pajetë në lumin Ibër. Trupi është gjetur në vendin e quajtur “Simonida” në veri të Mitrovicës por që ende nuk dihet identiteti i tij.

Sipas burimeve trupin e kanë gjetur njësiti i zjarrfikësve të komunës së Zveçanit.

Ende nuk janë marrë detaje në lidhje me këtë rast as nga Policia as nga autoritetet e Zveçanit.

Mësohet se në gjashtë muajt e fundit në vendin ku dyshohet se ka rënë i riu 17 vjeçar S.Alushi nga Suhadolli kanë humbur edhe tre persona tjerë.

I riu Alushi javën që shkoi ka humbur pa gjurmë dhe dyshohet se është rrëmbyer nga ujërat e lumit Ibër,por pavarësisht kërkimeve të FSK-së ai ende nuk është gjetur./Arbresh.info/