Kryetari i Partisë Socialdemokrate, Dardan Molliqaj, ka reaguar pas ftesës që kryeministri në detyrë, Albin Kurti u ka dërguar partive opozitare.

Molliqaj në reagimin e tij në Facebook iu ka bërë thirrje t’a refuzojnë ftesën ose të njëjtit të ndërrojnë emrin.

Por sipas tij opozita siç ai e quan ‘formale është aq e kapur pas përfitimit saqë nuk i pështatet refuzimi’.

“Kush nuk mëson nga gabimi bëhet ingranazh i sistemit. Pjesë e problemit. Kjo është historia e opozitës formale. Sot e kritikojnë që nesër ta takojnë. Thua ti që refuzimet janë kërkesë/lutje për ftesë. Apo edhe janë?Në takimet që Kurti ftoi opozitën, ata do të duhej ta refuzonin pjesëmarrjen. Pa ekuivoke. Por opozita formale është aq e kapur pas përfitimit saqë nuk i pështatet refuzimi. Kanë tjera plane, e ku njerëzit e këtij vendi nuk janë pjesë” shkruan Molliqaj.