Kryeministri izraelit, Benjamin Netanyahu ka deklaruar se ka ende punë për t’u bërë në Iran, ndërsa ka pranuar se Teherani ruan shumë nga aftësitë që kishte në fillim të luftës.

Në një intervistë me CBS “60 Minutes”, ai tha se lufta e përbashkët SHBA-Izrael kundër Iranit “arriti shumë, por nuk ka mbaruar”.

Ai tha se Irani nuk ka hequr dorë nga uraniumi i pasuruar apo nga çmontimi i centraleve bërthamore, as nuk ka ndaluar së mbështeturi përfaqësuesit e tij rajonalë apo nuk ka rënë dakord për ndonjë kufizim në programin e tij të raketave balistike, raporton CNN.

“Tani, ne kemi degraduar shumë prej tij, por e gjithë kjo është ende aty. Dhe ka punë për t’u bërë”, tha Netanyahu.

Kur u pyet se si të trajtohet uraniumi shumë i pasuruar që mbetet një qëllim kryesor i negociatave, Netanyahu tha se ai mund të hiqet fizikisht nga Irani.

“Nuk do të flas për mjete ushtarake, por për atë që më ka thënë Presidenti Trump – ‘Dua të shkoj atje’ – dhe mendoj se mund të bëhet fizikisht”. Nuk është ky problemi. Nëse ke një marrëveshje, dhe hyn dhe e nxjerr jashtë. Pse jo? Kjo është mënyra më e mirë.”, tha ai.

Netanyahu refuzoi të përcaktonte ndonjë afat kohor për heqjen e uraniumit të pasuruar, duke e quajtur atë një “mision jashtëzakonisht të rëndësishëm”.