Oklahoma City Thunder e ka fituar gjysmëfinalen e parë të play-offit në konferencën e perëndimit ndaj Los Angeles Lakers me rezultat të thellë 108-90.

Ndeshja nisi ngushtë me çerekun e parë që përfundoi 31-26 në të mirë të kampionit në fuqi të NBA, shkruan Arbresh.info.

OKC vazhdoi formën edhe në tri periudhat tjera ku vazhdoi ta thelloi epërsinë edhe më shumë.

Më i dalluari tek OKC ishte Holmgren me 24 pikë, 12 kërcime e një asistim, i ndihmuar nga Shai dhe Mitchell me nga 18 secili.

Teksa tek Lakers shkëlqeu James me 27 pikë, dhe Hachimura me 18 sosh.

Tek Lakers vazhdon të mungojë Luka Doncic. Ndeshja e radhës luhet me 8 maj, teksa skuadra që arrin katër fitore e para kalon tutje.

Fitore arriti edhe Detroiti me rezultat 111-101 ndaj Cleveland Cavalieres në kuadër të gjysmëfinales së lindjes.

Cunnigham luajti me 23 pikë në fitoren e skuadrës. Teksa lojë të mirë bëri edhe Harris i cili shtoi 20 pikë.

Ndërsa, tek Cleveland ishin të pamjaftueshme performancat fantastike të Mitchellit e Hardenit për ta shmangur humbjen. I Pari luajti me 23 pikë, kurse tjetri me 22 sosh, dhe shtoi edhe tetë kërcime e shtatë asistime.

Edhe në këtë sfidë seria është 1-0 në të mirë të Pistons./Arbresh.info