Klubi katalunas, Barcelona synon të fitojë titullin e La Ligës këtë sezon në ndeshjen e kësaj fundjave ndaj Osasunas.

Sipas Diario Sport, dhoma e zhveshjes së Barcelonës është e vendosur ta vulosë titullin e La Ligës që këtë fundjavë kur përballet me Osasunën dhe nuk dëshiron të presë deri në El Clasico më 10 maj.

Gjigantët katalunas, të cilët kanë krijuar një epërsi prej 11 pikësh në krye të tabelës, mund ta fitojnë titullin nëse e mposhtin Osasunën dhe, në të njëjtën kohë, nëse Real Madridi humbet ose barazon kundër Espanyolit.

A po pret Barcelona që Reali t’ua bëjë “Korridorin e nderit?”, përgjigjet Hansi Flick

Blaugranët janë të etur të shmangin çdo pengesë në ndeshjet e ardhshme për të vonuar përpjekjet e tyre për të siguruar titullin kampion.

Ekipi i Hansi Flick është aktualisht në një seri prej nëntë fitoresh në La Liga.

Trajneri gjerman është në prag të udhëheqjes së Blaugranëve drejt fitimit të dy titujve radhazi në ligë. /Telegrafi/