Sulmet në shkolla, Erdogan propozon ndalimin e rrjeteve sociale për fëmijët nën 15 vjeç

President of Turkey, Recep Tayyip Erdogan arrives to give a press conference after the cabinet meeting at the Presidential Complex in Ankara, Turkey, on September 21, 2020. (Photo by Adem ALTAN / AFP)

23:08 | 20 Prill 2026
E.G

Pas sulmeve të fundit në disa shkolla të Turqisë, presidenti turk Recep Tayyip Erdogan ka propozuar ndalimin e përdorimit të rrjeteve sociale për fëmijët e moshs nën 15 vjeç.

Ai tha se kjo gjë po diskutohet në Parlamentin e Turqisë dhe sipas tij, do të mbushë një boshllëk shumë të rëndësishëm, raporton Anadoly.

“Unë besoj se amendamenti që kufizon përdorimin e rrjeteve sociale nga fëmijët nën 15 vjeç, i cili aktualisht po diskutohet në Parlamentin tonë, do të mbushë një boshllëk shumë të rëndësishëm”.

“Në periudhën e ardhshme, ne do të prezantojmë detyrime për verifikimin e identitetit dhe ndarjen e informacionit në platformat e rrjeteve sociale”, tha ai.