Bayern Munich pret që Serge Gnabry të jetë i gatshëm për përballjen e së mërkurës në UEFA Champions League kundër Real Madrid, ka bërë të ditur drejtori sportiv Max Eberl.

“A do të jetë Gnabry gati për Real Madridin?”- kjo është një nga pyetjet kryesore që po bëjnë tifozët e Bayern Munich, pasi sulmuesi mungoi në fitoren bindëse 5-0 ndaj St Pauli të shtunën, për shkak të një problemi të lehtë në gju.

Pas ndeshjes në Hamburg, Eberl dha një përditësim për gjendjen e lojtarit, duke sqaruar arsyen e mungesës së tij.

“E pamë që nuk ishte ide e mirë që ai të udhëtonte drejt Hamburgut. Me dy fluturime, ndoshta nuk do të kishte qenë fare një opsion për të luajtur,” deklaroi ai.

Megjithatë, drejtuesi i Bayernit u shfaq optimist për ndeshjen vendimtare të mesjavës kundër Real Madridit.

“Presim që ai të jetë i gatshëm për të mërkurën,” shtoi Eberl.

Kujtojmë se Serge Gnabry ishte titullar në ndeshjen e parë dhe asistoi golin e parë të shënuar nga Luis Díaz në fitoren 2-1 të Bayernit në “Santiago Bernabéu”./Arbresh.info