Një person ka pësuar lëndime trupore në Han të Elezit, pasi ka rënë nga një lartësi derisa ishte duke kryer disa punë, raporton Policia e Kosovës.

Sipas policisë, viktima fillimisht ka marrë ndihmë dhe më pas është dërguar për tretman mjekësor në Qendrën Emergjente në Ferizaj dhe  gjendja e tij është stabile dhe jashtë rrezikut për jetë.

“Hani i Elezit / 25.03.2026 – 09:10. Viktima mashkull kosovar ka pësuar lëndime duke rënë nga një lartësi, derisa ishte duke kryer disa shërbime. Lidhur me rastin viktima është dërguar për tretman mjekësor qendrën emergjente në Ferizaj, dhe sipas mjekëve gjendja e tij është stabile-jashtë rrezikut për jetë. Njësitet policore dhe inspektorët komunal kanë dalë në vendin e ngjarjes duke u marrë me rastin, ndërkohë që lidhur me rastin është informuar e konsultuar edhe prokurori. Rasti duke u hetuar”, thuhet në raportin 24 orësh të PK./Arbresh.info