Pas humbjes së sotme nga Ferizaj, trajneri Afrim Tovërlani ka dhënë dorëheqje nga posti i trajnerit të Prishtinës.

Lajmin e ka bërë të ditur vetë klubi kryeqytetas përmes një postimi në rrjetin social Facebook, shkruan Arbresh.info.

Tovërlani mori drejtimin e ekipit më 25 nëntor dhe e udhëhoqi skuadrën në 15 ndeshje në të gjitha garat, me bilanc prej 4 fitoresh, 3 barazimesh dhe 8 humbjesh.

NJOFTIMI I PLOTË:

FC Prishtina njofton se trajneri Afrim Tovërlani ka dhënë dorëheqje nga posti i kryetrajnerit të ekipit të parë, pas ndeshjes ndaj KF Ferizaj, duke marrë përgjegjësinë për rezultatet e skuadrës.

Tovërlani mori drejtimin e ekipit më 25 nëntor dhe e udhëhoqi skuadrën në 15 ndeshje në të gjitha garat, me bilanc prej 4 fitoresh, 3 barazimesh dhe 8 humbjesh.

Klubi e falënderon për angazhimin, profesionalizmin dhe kontributin e dhënë gjatë kësaj periudhe, duke i uruar suksese në vazhdim të karrierës së tij.

FC Prishtina do të njoftojë në ditët në vijim për zhvillimet e radhës.