Barcelona ka arritur fitore të rëndësishme në luftën për titullin kampion në La Liga, ku e mposhti Sevillan me rezultat 5-2 në kuadër të xhiros së 28-të.

Raphinha me një gol nga penalltia pas nëntë minutash hapi serinë e golave, shkruan Arbresh.info.

Po i njëjti futbollist nga penalltia realizoi edhe golin e dytë në minutën e 21-të.

Kurse Dani Olmo pas 38 minutash trefishoi epërsinë e skuadrës katalanase. Në fundin e pjesës së parë, Oso gjeti rrugën e rrjetës për ta ngushtuar rezultatin në 3-1.

Gjashtë minuta pasi nisi pjesa e dytë, Raphinha kompletoi hattrickun dhe e coi rezultatin në 4-1.

Kurse pas një ore lojë, Cancelo shënoi golin e pestë.

Në fund të ndeshjes, Sevilla realizoi edhe golin e dytë me anë të Sow për vulosur rezultatin në 5-2.

Me këtë fitore Barcelona kalon në kuotën e 70 pikëve, katër më shumë se Real Madridi, kurse Sevilla mbetet e 14-ta me 31 sosh./Arbresh.info