Kanë përfunduar të gjitha ndeshjet e javës së 24-të në Superligën e Kosovës, ku Ballkani e ka fituar derbin me Dritën bindshëm (3:0).

Në ndeshjen tjetër të luajtur sot, Llapi e ka mposhtur në frymën e fundit Dukagjinin me rezultat 1-2, shkruan Arbresh.info.

Në tri ndeshjet e luajtura dje, Drenica ka arritur fitore të rëndësishme ndaj Gjilanit minimalisht 0-1.

Fitore të madhe shënoi edhe Ferizaj që e mposhti ndaj Malishevës në udhëtim me rezultat 1-2.

Ndërsa takimi i vetëm këtë javë që u mbyll baras ishte ai mes Prishtinës dhe Prishtinës së Re (1:1).

Pas 24 xhirove në krye të kampionatit kthehet Ballkani me 42 pikë aq sa ka edhe Drita e dyta, kurse e treta mbetet Prishtina me 38 pikë. Një vend më poshtë është Malisheva me një pikë më pak.

Vendi i pestë i takon Gjilanit me 36 pikë. Dukagjini zë pozitën e gjashtë me 33 pikë.

Llapi tashmë e forcon pozitën e shtatë ku ka grumbulluar 29 pikë, me tre pikë më pak është Ferizaj në pozitën e tetë.

Derisa Drenica është e nënta me 25 sosh. Renditjen tabelare e mbyll Prishtina e Re me 23 pikë.

Në xhiron e radhës takohen Prishtina e Re – Ballkani, Drita – Dukagjini, Ferizaj – Prishtina, Drenica – Malisheva dhe Llapi – Gjilani./Arbresh.info