Kryetari i LDK-së, Lumir Abdixhiku ka reaguar pas deklaratës së kryeministrit Albin Kurti, sa i përket ftesës për krerët e partive në çështjen e presidentit të vendit.

Përmes në postimi në Facebook, Abdixhiku tha se Kurtin e ka njoftuar se do t’i përgjigjet pozitivisht kësaj ftese në ditën e parë pas verdiktit të Gjykatës Kushtetuese, transmeton Klankosova.tv.

“Duke qenë se çështja e zgjedhjes së Presidentit është tashmë në shqyrtim të Gjykatës Kushtetuese, duhet të kuptojmë se koha jonë politike ndalon përkohësisht, ndërsa koha e dëgjimit kushtetues merr fjalën në pavarësinë e saj. Duke respektuar këtë rend, pa procese të tjera politike paralele, i bëjmë nder jo vetëm vetes, por edhe Republikës dhe institucioneve që janë ndërtuar me shumë mund. Verdikti i Gjykatës duhet pritur me respekt të plotë institucional dhe me qetësi politike. Një orë pas verdiktit, mund të takohemi sërish”, ka shkruar i pari i LDK-së.