Juventusi mbrëmë u eliminua nga Liga e Kampionëve, pasi pavarësisht fitores 3-2 pas vazhdimeve, nuk ishte mjaftueshme të rikthej nga disfata e parë e thellë që e pësoi me rezultat 5-2 në Stamboll.

‘Zonja e Vjetër’ arriti ta dërgoj ndeshjen në vazhdime falë fitores 3-0 brenda kohës së rregullt, shkruan Arbresh.info.

Merita tek ky rezultat pati edhe Edon Zhegrova i cili nis aksionin tek goli i dytë dhe tretë.

Por kosovari humb një rast të qind për qind në vazhdime që mund ta dërgonte rezultatin në 4-0 dhe të ndryshonte gjithçka nga ajo ndeshje.

Pas ndeshjes ai ishte i zhgënjyer, dhe reagoi përmes një postimi në rrjetin social Instagram.

“Sonte dhemb. Por kjo humbje është pjesë e rrugëtimit tim! Krenar për skuadrën dhe mentalitetin që treguam. Faleminderit të gjithë tifozëve në stadium – ishit të jashtëzakonshëm”, ka shkruar Zhegrova.

Juvnetusi tani fokusin e ka tek Serie A, ku synon të jetë pjesë e top katërshes që të arrij të marrë pjesë në këtë kompeticion edhe sezonin tjetër./Arbresh.info

 

View this post on Instagram

 

A post shared by Edon Zhegrova (@edonzhegrova10)