Qeveria në detyrë miraton vendime për 18-vjetorin e Pavarësisë dhe pagesën për BERZH

13:41 | 27 Janar 2026
Q L

Qeveria në detyrë e Republikës së Kosovës ka mbajtur sot një mbledhje elektronike, në të cilën ka miratuar dy vendime të rëndësishme.

Në këtë mbledhje, ekzekutivi ka vendosur themelimin e Këshillit Organizativ për shënimin e 18-vjetorit të Pavarësisë së Kosovës, i cili do të jetë përgjegjës për koordinimin dhe organizimin e aktiviteteve shtetërore me rastin e kësaj date, shkruan Arbresh.info.

Po ashtu, Qeveria ka autorizuar pagesën në shumë prej 154 mijë eurosh për Bankën Evropiane për Rindërtim dhe Zhvillim (BERZH), me qëllim të rritjes së kuotës së kapitalit të Qeverisë së Republikës së Kosovës në këtë institucion financiar ndërkombëtar.

Sipas njoftimit, këto vendime janë marrë në kuadër të obligimeve institucionale dhe angazhimit të Qeverisë për përmbushjen e detyrimeve ndërkombëtare të vendit./Arbresh.info/