Policia paralajmëron qytetarët për mesazhet mashtruese që po qarkullojnë lidhur me gjobat në trafik

10:28 | 7 Janar 2026
E.G

Policia e Kosovës ka paralajmëruar qytetarët për mesazhet mashtruese që po qarkullojnë lidhur me njoftimin për gjobat në trafik.

Në njoftimin e policisë bëhet me dije se këto mesazhe përmbajnë linqe mashtruese, të cilat synojnë të mashtrojnë qytetarët, shkruan Arbresh.info.

Policia e Kosovës thekson nuk ka dërguar mesazhe të tilla si dhe u ka bërë thirrje qytetarëve që të mos klikojnë në asnjë link të dyshimtë; të mos japin të dhëna personale apo të kartelave bankare; të mos kryejnë pagesa përmes këtyre linqeve; të fshijnë menjëherë mesazhet mashtruese.

“…nëse kanë kryer ndonjë pagesë përmes këtyre linqeve, menjëherë ta raportojnë rastin në bankën ku janë klientë dhe të kërkojnë anulimin e pagesës. Po ashtu, rasti duhet të raportohet edhe në stacionin policor më të afërt”, thuhet në njoftim./Arbresh.info