Kurti në Obiliq: Me qeverisjen e re ka nisur ndalimi i trashëgimisë së dobët të pushtetit të kaluar

11:36 | 18 Dhjetor 2025
E.H

Kryeministri në detyrë, Albin Kurti ka vizituar Komunën e Obiliqit ku është pritur në takim nga kryetari i ri, Halil Thaçi.

Përmes një postimi në Facebook, Kurti u shpreh se me ndryshimin e qeverisjes lokale ka filluar skanimi i gjendjes dhe ndalimi i trashëgimisë së dobët të pushtetit të kaluar

“Në Obiliq kryetari i ri Halil Thaçi ka nisur punën për ringjalljen e qytetit. E urova për marrjen zyrtare të detyrës pas fitores së zgjedhjeve muajin e kaluar. Me ndryshimin e qeverisjes lokale ka filluar skanimi i gjendjes dhe ndalimi i trashëgimisë së dobët të pushtetit të kaluar. Suksese kryetarit Halil Thaçi, komunës dhe të gjithë banorëve në rrugën drejt zhvillimit dhe progresit për Obiliqin”, ka shkruar Kurti në Facebook./Arbresh.info