Paris Saint-Germain është urdhëruar nga një gjykatë franceze t’i paguajë 60 milionë euro sulmuesit Kylian Mbappe, për paga dhe bonuse të papaguara nga periudha e tij te klubi parizien.

Mbappe kishte kërkuar fillimisht 263 milionë euro (231.5 milionë paund) nga ish-klubi i tij, pasi mosmarrëveshja e gjatë kontraktuale u shqyrtua në gjykatën e punës në Paris në muajin nëntor.

Në anën tjetër, kampionët e Evropës kundërpaditën kapitenin e Francës, duke kërkuar 240 milionë euro (211 milionë paund) si dëmshpërblim.

Sulmuesi 26-vjeçar i Real Madridit pretendoi shumën me nëntë shifra, ku përfshiheshin 55 milionë euro (46.3 milionë paund) paga të papaguara, si dhe dëme të tjera të lidhura me një mosmarrëveshje kontraktuale dhe trajtim të padrejtë nga ana e klubit gjatë periudhës së fundit të qëndrimit të tij në Paris.

Vendimi i gjykatës i jep fund një prej çështjeve më të bujshme ligjore mes një lojtari dhe klubit në futbollin evropian.