Murati: Mbi 11 mijë biznese të reja deri në tetor, pritet të tejkalohen 13 mijë deri në fund të vitit

10:23 | 1 Dhjetor 2025
E.H

Ministri në detyrë i Financave, Hekuran Murati ka bërë të ditur se deri në fund të muajit tetor të këtij viti, numri i ndërmarrjeve të reja të regjistruara tashmë ka kaluar shifrën prej 11 mijë.

Përmes një postimi në Facebook, Murati tha sipas trendit aktual, deri në fund të vitit kjo shifër pritet të tejkalojë mbi 13 mijë biznese

“Numri i ndërmarrjeve të reja të regjistruara tashmë ka kaluar shifrën prej 11 mijë, deri në fund të muajit tetor, ende pa mbaruar viti. Sipas trendit aktual, deri në fund të vitit kjo shifër pritet të tejkalojë mbi 13 mijë biznese, që do të ishte rekord i të gjitha kohërave. Ky është tregues i shëndetit të mirë të ekonomisë, e cila po rritet vazhdimisht”, ka shkruar Murati./Arbresh.info