Lideri i Partisë Demokratike të Kosovës, Bedri Hamza, është takuar sot me udhëheqësit e Organizatës së Veteranëve të UÇK-së.

Duke i quajtur burra që bartin me krenari plagët e luftës, Hamza tha se një Kosovë më e fortë dhe më dinjitoze, duhet të mbështetet mbi vlerat që heronjtë tanë i mbrojtën me jetë.

“Sot i prita udhëheqësit e OVL-së së UÇK-së, burra që bartin me krenari plagët dhe kujtimet e luftës sonë të lavdishme.  Çdo rrëfim i tyre na kujton se ky shtet u ndërtua me sakrifica që as koha dhe as harresa nuk mund t’i shlyejnë.

Kosova që duam sot, më e zhvilluar, më e fortë, më dinjitoze, duhet të mbështetet mbi vlerat që heronjtë tanë i mbrojtën me jetë. Lavdi të rënëve dhe respekt të përjetshëm për të gjithë ata që dhanë gjithçka për lirinë dhe shtetin tonë!” – ka shkruar Hamza.