Policia rajonale e Pejës, njofton se stacioni policor në Klinë, është njoftuar përmes telefonit nga viktima G. P. se persona të panjohur i kanë thyer shtëpinë në lagjen ‘Drenica’  në Klinë, përderisa ai nuk ishte aty dhe i kanë vjedhur  një sasi ari në vlerë rreth 2 mijë e  500 Euro si dhe para kesh 500 euro.

Njësit përkatëse policore, pasi që kanë marr lajmin, kanë dal në vendin e ngjarjes. Gjatë ekzaminimit të vendit të ngjarjes janë gjetur dëshmi rreth identifikimit të personave të dyshuar dhe si rezultat i punës së policisë është arrit të identifikojnë dhe arrestojnë dy te dyshuarit : V.B.  (1994) dhe E.B   (2000).

Lidhur me rastin është njoftuar prokurori i shtetit i cili edhe ka urdhëruar ndalimin  për dy te dyshuarit. Gjatë intervistimit te dyshuarit kanë pranuar veprën e kryer dhe njëherësh është arritur  që të gjendet edhe ari i vjedhur./arbresh.info/