Një ngjarje e rëndë ka ndodhur të premten në fshatin Mirash të Ferizajit, ku një i ri ka humbur jetën pasi ka rënë në kontakt me rrymën derisa po punonte në pullazin e shtëpisë.

Viktima është identifikuar si 27-vjeçari Shpend Qalaj. Familjarët kanë bërë të ditur se ceremonia e varrimit do të mbahet sot në varrezat e fshatit Mirash.

Policia ka njoftuar përmes raportit 24-orësh se:

“Fsh. Mirash, Ferizaj 14.11.2025 – 12:42. Është raportuar se viktima mashkull kosovar, deri sa ishte duke punuar në pullazin e shtëpisë ka rënë në kontakt me rrymën dhe si pasojë ka humbur jetën. Vdekjen e viktimës e ka konstatuar mjeku ndërsa me kërkesë të familjarëve dhe konsultim me prokurorin trupi i pajetë u është liruar familjarëve për ceremoni mortore”./Arbresh.info

Rast tragjik në Ferizaj/Një person humb jetën pasi bie në kontakt me rrymën