Ministrja për Evropë dhe Punë të Jashtme e Shqipërisë, Elisa Spiropali ka uruar Kosovën pas njohjes nga Republika Arabe e Sirisë.

Me anë të një postimi në X, Spiropali ka thënë se Republika e Kosovës do të siguroj vendin e saj të merituar në familjen e madhe të kombeve, transmeton Arbresh.info.

Postimi i plotë

Urime Kosovës për lajmin e mirë të njohjes së shtetit nga ana e Republikës Arabe të Sirisë.

Kosova po përparon në rrugën e forcimit të subjektivitetit të saj ndërkombëtar, falë përpjekjeve të popullit dhe institucioneve të saj për ndërtimin e një shteti demokratik e të zhvilluar, por edhe mbështetjes së miqve e partnerëve, të cilët e kanë ndihmuar procesin e saj të njohjes dhe shtetndërtimit.

Falënderime me këtë rast edhe për Lartësinë e tij Mbretërore, Princin e Kurorës së Arabisë Saudite, Mohammed bin Salman Al Saud për mbështetjen e dhënë në kurorëzimin e kësaj njohjeje. Jam e bindur se njohje pas njohjeje, Republika e Kosovës do të sigurojë vendin e saj të merituar në familjen e madhe të kombeve. Edhe njëherë, urime Kosovë!

🇦🇱🇽🇰 Congratulations to the Republic of Kosova on the good news of the recognition of its statehood by the Arab Republic of Syria. 🇸🇾

Kosova continues to advance on its path toward strengthening its international subjectivity, thanks to the efforts of its people and institutions…

— Elisa Spiropali (@elisaspiropali) October 29, 2025