Franca i ka kërkuar Kosovës që ta themelojë Asociacionin e komunave me shumicë serbe.

Në fjalën e mbajtur në Këshillin e Sigurimit të OKB-së, përfaqësuesi francez Jay Dharmadhikari, tha se duhet respektuar zotimet e dala nga Marrëveshja e Brukselit dhe e Ohrit.

“Nuk ka alternativë për normalizimin, i cili është thelbësor për integrimin evropian të Kosovës dhe Serbisë. Duhet respektuar zotimet e Marrëveshjes së Brukselit dhe të Ohrit. Veprimet e Qeverisë së Kosovës kanë pasur pasoja negative për komunitetin serb dhe statusi i tyre duhet të zgjidhet përmes themelimit të Asociacionit”, ka thënë përfaqësuesi i Francës.

Ai ka kërkuar që kriminelët e Banjskës të sillen para drejtësisë.

“Është e papranueshme që, dy vjet pas sulmit, përgjegjësit të jenë ende të lirë”.